கவிதைகள்

New Picasa Web Albums Activity

2010-09-30T02:46:00.001-07:00

Recent Uploads

Arunabharathi added 30 photos to என் திருமணம்..!

Sep 29, 2010 2:41:53 AM


Post Comment	Unsubscribe from this user.

To share your photos or receive notification when your friends share photos, get your own free Picasa Web Albums account.

Check out IN.com

2008-09-23T03:27:00.000-07:00

Dear à®à®µà®¿à®¤à¯à®à®³à¯-2,

I want to invite you to join IN.com.

Click here to accept the invitation

IN.com lets you discover the hottest news, music, videos and games, and you also get the coolest, shortest email address on the planet @IN.com.

By the way, my new email address is <arun_kr@in.com>. Please add this to your address book. If you add me as a friend, you can also send me personal messages on IN.com.

Thanks,
Arun K

Check out IN.com

2008-09-23T03:25:00.001-07:00

நன்றியும் வருத்தமும்.. - கவிதை

2007-05-25T05:36:00.001-07:00

நன்றியும் வருத்தமும்..

க.அருணபாரதி

வார்த்தைகள் அடங்கி

மெளனமாய் வருத்தும்

இரவின் நேரத்தின்

இனிமையான

இடைவெளிகளில்

நுழைந்து சிரிக்கிறது

உன் நினைவு..

பிரிவின் காரணமாய்

கசப்புற்ற மனம்

கவிதையாக எழுந்தது..

கண்ணீர் விட்டும்

சிலநேரம்

அமைதியாய் அழுதது..

நிசங்களை ஏற்கும்

பக்குவம் அதற்கில்லை..

நித்திரை நேரமென்ற

எல்லைகளும் இல்லை..

பத்திரமாய் பதிந்துவிட்ட

பகல்கனவாய் என்காதல்,

சித்திரங்கள் போலவே

சிந்தையில் சிரிக்குதடி..

அன்பினால் அகப்பட்டு

அதன்வலியை உணரும்

அனுபவத்தை தந்த

காதலுக்கும் காதலிக்கும்

வருத்தங்களுடன் நன்றி..

நன்றியுடன் வருத்தங்கள்..

என்றும் நட்புடன்,

க.அருணபாரதி

அம்மா - கோட்டை பிரபு

2007-05-15T20:50:00.000-07:00

அம்மா!

கோட்டை பிரபு

அம்மா!
நம் வறுமைதான்
உன்னை பிழைக்கவைத்தது
இல்லையென்றால்
மம்மியாகியிருப்பாய் !

கற்பு - செல்வா

2007-05-15T20:46:00.001-07:00

கற்பு

செல்வா

போராயுதமன்றி
பேசும்மொழியில்
நஞ்சு கலந்து
நயம் கெட்ட மொழிகளை
நவிலும்போது
நசுக்கப்படுகிறது
"நா"வின் கற்பு

ஈழத்தாய்

2007-04-27T21:37:00.001-07:00

ஈழத்தாய்

"இன்று நம் அப்பாவின்

இதயத்தை குண்டு துளைத்ததிற்கு

பதிலடி கொடுத்துவிட்டேனம்மா!!"

போரில் தெறித்த விரலின்

வலியை பொருட்படுத்தாமல்

கூறும் மகளை உச்சி முகர்ந்தாள்..

தாலியற்ற வெறும் கழுத்தை தடவும்

அந்த ஈழத்தாயின் மனதில் ஆயிரம் கேள்விகள்??

அதன் கரு ஒன்றே..

"என்று தணியும் இந்த சுதந்திர தாகம்??"

--
நட்புடன்,
கமல்

நட்பு (கவிதை) - கமல் ராஜன்

2007-04-19T20:48:00.001-07:00

நட்பு

கமல் ராஜன்

அமைதியான இரவு..

சில்லேன்ற காற்று..

அலைகளின் தாளம்..

படகு மறைவில் காதல் ஜோடிகள்..

இருவர் மட்டும் வெட்டவெளில்..

அவன் தோளில் அவள் தலை சாய்ந்து

விசும்பி கொண்டு இருக்கிறாள்..

சமுகம் அவர்களை கேலி செய்தது

கள்ள காதல் என்று..

எத்தனை பேருக்கு புரியும் அவளின் கண்ணிர்

ஆழமான நட்பின் வெளிப்பாடு என்று??!!!

முதிர்ச்சி - பாண்டித்துரை

2007-04-01T20:49:00.000-07:00

முதிர்ச்சி

பாண்டித்துரை

பெருமூச்சு சப்தங்கள்
பெரியவள் ஆனபின்பு

ஒன்றும் தெரியாது!
போகுமிடத்தில்
வாங்கிக் கட்டிக்க என்று

ஏச்சுக்களும்
பேச்சுக்களும்
எதிர்மறையாய்

எல்லாம் முடிந்தது
மூன்று முடிச்சில்

கொஞ்சம் கொஞ்சமாய்
என்னின் ஆழுகை
எதிர் கூடாரத்தில்

ஒன்றும் தெரியாதவளாய்
ஒதுங்கிச் செல்லாமல்

ஆழுமை
அரவணைப்பு
என

ஒவ்வொன்றாய்
தொட்டுச் செல்ல

தாய்மையடையும்
தருணத்தில்
முழுமையடைகிறேன்!

நீயும் முதலாளிதாண்டா - கவி: நீ ”தீ”

2007-04-01T20:48:00.001-07:00

நீயும் முதலாளிதாண்டா

கவி: நீ "தீ"

உனக்கு முன்னுரிமை

கொடுக்காத

முதலாளி வர்க்கத்தை

முட்டாளாய் ஆக்கிவிடு

தவறேதும் செய்யாமல்

தண்டனையை ஏற்றுக்கொண்டு

தன்மானம் இழக்காதே

தடுக்கி விழுந்திடாதே

தைரியத்தை வரவழைத்து

கொஞ்சம் தட்டித்தான் கேட்டுப்பாரு

உழைப்பாளி நீதாண்டா

இங்கு எசமான

உன் உயிரை உறிஞ்சும்

அவன் எமன்தானா

அம்பானி வளர்ந்த கதை

அறியாமல் அடுத்த

அடி எடுத்து வச்சா…

மக்கா அதள பாதாளம்தான்

முட்டாளாய் இருக்காதே முழிச்சுக்கோ

உனக்கு முன்னாடடி சொல்லுறேன்

இங்கு முதலாளி நீதாண்டா….

வான்படை வாளுருவியது...

2007-03-25T23:45:00.001-07:00

வான்படை வாளுருவியது...

சிங்கள இராணுவம்

சித்தம் கலங்கிட

தமிழரின் வான்படை

கொடுத்த அடியில்

எங்கட மக்களை

ஏதிலி ஆக்கிய

சிங்கள படைகள்

விழந்தது காண்..

தேன்மொழித் தமிழின்

மானங்காத்த வீரர்கள்

வான்படை கொண்டு

வாளுருவியது காண்...

எட்டி உதைத்து

இறுமாப்பு கொண்ட

சிங்கள வெறியரின்

சீற்றத்தை தாங்கி

உலக சமூகத்தின்

பார்வைக்கு ஏங்கி

எத்தனை வருடங்கள்

கைக்கட்டி நிற்க ?

சிங்களன் செய்தால்

உள்நாட்டு போராம்

சீற்றத்துடன் தமிழன்

செய்தால் தீவிரவாதமா ?

பாகிஸ்தான் தருகிறான்

அமெரிக்கா தருகிறான்

பார்க்காமல் விட்டால்

இந்தியனும் தருகிறான்..

தமிழர் படைகண்டு

தானாய் நடுங்கிஓடும்

சிங்களன் ஆயுதமே

போதுமடா தமிழர்க்கு...

லட்சிய போராளிக்கு

பொருட்டல்ல மரணம்..

ஈழம் வெல்லட்டும்

இதுதான் தருணம்...

-----------------------------------------------------------
"எங்கள் வாழ்வும் எங்கள் வளமும்
மங்காத தமிழென்று சங்கே முழங்கு"
-----------------------------------------------------------
தோழமையுடன்
க.அருணபாரதி
www.arunabharathi.blogspot.com
-----------------------------------------------------------

தாகம் - நீ "தீ"

2007-03-11T20:28:00.001-07:00

தாகம்

நீ " தீ"

தினம்தோறும்

திரளாக செல்கிறோம்

திரவியதேசத்திற்கு

சொல்லித்தான் பிரிகிறோம்

எங்களின் வீட்டை

மீண்டு வருவோம் என

மிதமான நம்பிக்கையில்

சமுத்திரத்தின் நிச்சலனத்தினூடே

கரைசேரும் கனவில்

இருண்மையின் தழுவலில்

எங்களின் பயணம்

அலைகளின் விழிம்பில்

எங்களின் அழுகையின் நீரும்

இருண்மையின் விலகல்வேண்டி

தொடர்கிறது

தொடுவானமாய்

எங்களின் தாகம் !

குட்டிதேவதை….

2007-03-11T20:26:00.001-07:00

குட்டிதேவதை….

பாண்டித்துரை

புன்னகையை சுமந்து வருகிறாள்

அறிமுகம் இல்லாமலே – என்

அகம் தொட எத்தனிக்கிறாள்.

எப்படியும் முடிகிறது – அவளின்

உலகத்தினுள் எனை கடத்த

ஜன்னல் வெளி பேசுகிறாள்

பறந்து சென்ற பறவைக்காக

அவள் சொன்ன கதைகளையெல்லாம்

டெடிபீர் பொம்மைகள்

எனக்கு தெரிந்திடாத வண்ணம்

எங்கே ஒளித்து வைத்துள்ளதோ!

முகத்தை சுழித்து நாக்கை துருத்தி

அவளுக்கான சில்மிசங்கள்

வெறுமையை ஆக்ரமிக்கிறது.

பொம்மையை தட்டிக்கொடுத்து

கண்ணயரசெய்த பின்னே

பெரியமனுசி கொட்டாவி விடுகிறாள்

அவளுக்கான உலகில்

என்னற்ற ரகசியங்கள்

புதைந்து கிடக்கின்றன

ஏப்போதாவது ஒன்றுதான்

என்னால் தோண்டியெடுக்கப்படுகிறது .

மகளிர் தின வாழ்த்துக்கள்...

2007-03-07T22:39:00.001-08:00

மகளிர் தின வாழ்த்துக்கள்...

எல்லோர் வீட்டிலும்
இறைவனின் பிரதிநிதியாய்
அன்னை..

எல்லோர் வாழ்விலும்
உள்ளன்பின் பிரதிநிதியாய்
தோழி..

எல்லோர் வீட்டிலும்
தனக்கே பிரதிநிதியாய்
மனைவி..

'எங்கெங்கு காணினும் சக்தியாடா'
பாடிய கவிஞனின் பாட்டின்
பிரதிநிதியாய்
வளர்ந்து வரும் 'பெண்ணியம்'...

வாழ்த்துவதோடு முடியாமல்
பெண்களை வாழவைப்பது பற்றி
சிந்திப்போம்..

பெண்களை போதையாய்
காட்டும் சினமா கயவர்களை
நிந்திப்போம்..

என் வாழ்வின் அனைத்து பக்கங்களிலும் விடாது
பற்றி கொண்டிருக்கும் அனைத்து மகளிருக்கும்
என் அன்பான மகளிர் தின வாழ்த்துக்கள்...

லட்சியம் வெல்லுமடா..

2007-03-06T21:50:00.001-08:00

லட்சியம் வெல்லுமடா..

முற்றுப்புள்ளிகள் எல்லாம்
முடிவுரை அல்ல..
அடுத்த வாக்கியத்தின்
ஆரம்பமே...

'தோல்வி - சோர்வு '
இவையெல்லாம் உனை
பயங்கொள்ள வைக்கத் தான்
படைக்கப்பட்டன..

அரிசிமாவுக் கோலமிட்டு
எறும்புக்குகூட பசியாற்றிய
தமிழன் தான் இன்று
தன் மண்ணிலேயே அகதி...

கலங்காதே தமிழனே..
லட்சியம் வெல்லும்
நிச்சயம் ஒரு திகதி..

புல்கூட மிதி பட்டால்
எழுந்து தானாய் நிற்கும்..
புல் அல்லநீ தமிழா
நீ புலிப்படையின் வர்க்கம்..

உணர்ந்து நீ எழுந்தால்
உலகம் உனது சொர்க்கம்..

மூவேந்தர்கள் வளர்த்த நம்
மூதாதையர் மொழியை
பாவேந்தர் சொற்படி
பாரெங்கும் பரப்புவோம்..

வா தமிழனே.. வென்று காட்டுவோம்...

பிம்பங்கள்-பாண்டித்துரை

2007-02-25T20:06:00.000-08:00

பிம்பங்கள்

பாண்டித்துரை

pandiidurai@yahoo.com

பேருந்து பயணத்தில்
பெயர் தெரியா முகங்களை
கண்களின் பிம்பங்களில்
ஒப்பிட்டு
தளர் நடையில்
மறதியாய் செல்லும் போது
எங்கிருந்தோ கேட்கும் குரல்
திரும்பிப் பார்த்தால்
யாரோ! யாருடனோ?

சொல்வதற்கு ஒன்றுமில்லாமல்
தொலைபேசியல்
மௌனமாய்
தொலைந்த வார்த்தைகளை
தேடிக் கொண்டு
ஞாபகச் சிந்தனையால்
கண்மூடி துஞ்சும் போது
காரணமின்றி கடந்து செல்லும்
காட்சிப் பிம்பங்கள்
தலைவியாய்…..

அன்புத் தமிழா கேளடா - நக்கீரன்

2007-02-23T20:14:00.001-08:00

அன்புத் தமிழா கேளடா

நக்கீரன்

அன்புத் தமிழா கேளடா
அன்னைத் தமிழில் பாடடா

தமிழை அழிப்பவன் யாரடா
தமிழன் இருப்பைக் கூறடா

கோடிச்சொல் மொழியடா
கொடுத்து வைத்தவன் நீயடா

தமிழ் சுதந்திர மொழியடா
தடுத்துரைப்பவன் யாரடா

தமிழ் போரியல்மொழியடா
மன்றத்தில் வந்து நீ படியடா

விண்வெளிக்கு நீ சென்றுவா
விஞ்ஞானமதை நீ வென்றுவா

காதல்பாட்டு பலலட்சம்
கொண்டு தந்தது யாரடா

வாழ்வும் இரவல் மண்ணடா
வாழ்க்கை இதுதானா சொல்லடா

அடடா தமிழா படியடா
ஆதிமொழிதான் அழிவதா

__________________
அன்பன்,
நக்கீரன்
இவன் இலக்கணம் மீறிய கவிதை.

உரிமையைக் கேட்டால்...

2007-02-13T22:04:00.000-08:00

உயிர்க் காக்கும் விவசாய
பயிர் வளர்க்க நீரில்லை..

உயர்-உச்ச நீதிமன்ற
உத்தரவிட்டும் கூட
உரிமையான நீரைப்
பெற்றுத் தர ஆளில்லை...

அரசியலின் பெயராலே
தமிழனின் வாழ் வழித்து
வாக்கு மட்டும் வாங்க வரும்
வக்கற்ற கட்சிகளுக்கு
புரிய வைக்க வேண்டும்..
நாம் கேட்கும் நீர்
பிச்சையல்ல
"உரிமை"..

சாதி மதம் கடந்து
கன்னடனாக அவனிருக்க
நீதி தனை உணர்த்த
தமிழனாக இருப்பது தவறா ?
பிரிவினைவாதமா ?

ஐயாயிரம் வருடங்களாக
தமிழனாக இருந்தவர்கள்
என்பதை மறந்து,
இருநூறு வருடங்களாகத் தான்
இந்தியன் என்கிறோம்...

வந்தாரை வாழ வைக்கும்
தமிழகமாம் இது...
வந்தாரை மட்டுமே
வாழ வைக்கும் தமிழகமாக
மாறியது எப்போது ???

***********************************************
தோழமையடன்
-----------------க.அருணபாரதி----------------
===www.arunabharathi.blogspot.com==
***********************************************

--
***********************************************
தோழமையடன்
-----------------க.அருணபாரதி----------------
===www.arunabharathi.blogspot.com==
***********************************************

அன்புத் தோழி - சார்லஸ்

2007-02-07T20:32:00.001-08:00

அன்புத் தோழி

சார்லஸ்

charles.christ@gmail.com

நம் நட்பு

நம் நட்புக்கு
ஆயிரம் அர்த்தங்கள்
சொல்லும் இச்சமூகம்
நமக்குத் தெரியும்
நம்மிடம் இருப்பது
நட்பு மட்டும் தான்
நட்பைத் தவிர‌
வேறொன்றுமில்லை என்று.

பேருந்து நிறுத்தம்

அந்த பேருந்து நிறுத்தத்தில்
ம‌ணிக்க‌ண‌க்காய்
பேசிக்கொண்டு இருந்தோம்
எத்த‌னை பேருக்கு
புரிந்திருக்கும்
நாம் நண்பர்கள் என்று.

உறவு

உன் கைபிடித்து
நடக்கத் துவங்கிய‌
அந்த நாளில் தான்
உணர்ந்தேன்
ஆண் பெண் உறவில்
காதலையும் தாண்டி
ந‌ட்பு என்று
ஒன்று உள்ள‌தென்று.

விசாரிப்பு

உன்னைச் சந்திக்க‌
வரும்போதெல்லாம்
எனைப் பார்த்து குரைக்குமே
உன் வீட்டு நாய்,
அதை மிகவும்
விசாரித்தேன் என்று
சொல்.

தோழி

இலக்கியம், இதழியல்,
புரட்சி, சமூகம்,
அரசியல், காதல்,
நட்பு, பாசம்,
வறுமை, சினிமா,
பட்டினி சாவுகள்,
இசை, கடிதங்கள்,
உன் காதலன், என் காதலி,
என்று என்னதான்
பேசவில்லை நாம்
ஒரு தோழி இருப்பது
எத்தனை செளகர்யம்....

நட்பூ

இன்றும் கூட
நினைத்துக் கொண்டிருக்கிறேன்
நீ என்றாவது
ஒரு நாள் வருவாய்
உன்னால் முறிந்து
போன நட்பில்
மீண்டும் பூ பூக்குமென்று...

-----

அன்று
உனக்கும் எனக்கும்
ஏதோ சின்ன மனவருத்தம்
நெடுநேரம் நிலவிய‌
இறுக்கமும் மௌனமும்
உடைந்தது
எதற்காகவோ
நாம் கைகோர்த்துக் கொண்ட‌
அந்த நொடிப் பொழுதில்....

சாட்சி

நம் உறவையொத்த‌
சந்தேகப் பார்வைகளுக்கு
சாட்சியாய்
கைகோர்த்துக் கொண்டு
நிதானமாய் நடந்து
பேசிக் கொண்டிருந்தோம் நாம்.

நம் நட்பு

உன் கணவனுக்கும்
என் மனைவிக்கும்
புரிந்து கொள்ளும்
பாக்கியம் கிடைக்குமா
நம் நட்பை?

தோழி

தோழி
நம் நட்பின் ஆழம்
நமக்கு மட்டும்
தான் தெரியும்

எத்த‌னை பேச்சுக்கள்
எத்த‌னை ச‌ண்டைக‌ள்
எத்த‌னை கோப‌ங்க‌ள்

என் துய‌ர‌ங்க‌ள்
அனைத்தையும்
க‌ன‌வுக‌ள் சும‌ந்து வ‌ரும்
உன் க‌ண்க‌ள்
மற‌க்க‌டித்து விடும்

இந்தக் க‌ல்லூரி
ம‌திற் சுவ‌ருக்குள்
ப‌ய‌ங்க‌ளோடு வ‌ந்த‌
என‌க்கு ந‌ம்பிக்கையின்
சிற‌குக‌ளைத் தந்த‌வ‌ள் நீ
ந‌ட்பின் க‌த‌வுக‌ளை
திற‌ந்து விட்ட‌வ‌ள் நீ

ம்ம்ம்
வார்த்தைக‌ளின்
வ‌ர்ண‌ஜால‌ங்க‌ள் மூல‌மாய்
ந‌ம் ந‌ட்பை
சொல்லி விட‌த்தான்
நினைக்கிறேன்
வார்த்தைக‌ள் தீர்ந்து
வ‌லி ம‌ட்டுமே
மிஞ்சுகிற‌து....

நட்புடன்

சார்லஸ்

செம்மொழி தமிழினை- பால பாரதி

2007-02-06T21:11:00.001-08:00

செம்மொழி தமிழினை
உயர்வுறச் செய்திடும்
திருப்பணி செய்து
மகிழ்ந்திடுவோம்!

ஞானமும் கேள்வியும்
ஞாலத்தில் தழைத்திட
பாரதம் கல்விக்கூடமாய்
திகழ்ந்திடச் செய்வோம்!

விந்தைகள் செய்திடும்
விஞ்ஞானமும் செய்து
வையகத்தாரை
வியந்திடச் செய்வோம்!

பாரத மைந்தர்
ஒற்றுமைக்கொரு
உதாரணமென்று
உணர்ந்திடச் செய்வோம்!

பாரத மகவெனில்
பாரினில் புகழ்ந்திடும்
காரியம் யாவும்
புரிந்திடுவோம்!

உலகே வியக்கும்
உன்னத அன்பினில்
உயர்வுறும் மனிதராய்
திகழ்ந்திடுவோம்!

ஈழம்

2007-01-30T23:43:00.001-08:00

ஈழம் என்றாலே
கண்ணில் ஈரம்
சுரந்தது அன்று...

ஈழம் என்றாலே
நெஞ்சில் வீரம்
பிறக்கிறது இன்று..

'தம்பியுடையான் படைக் கஞ்சான்'
நூற்றாண்டுகள் கடந்தும்
அர்த்தம் இழக்காத வாக்கியம்...

வீடும் வாழ்வும் இழந்து
நாடும் இல்லையென
துரத்தப்பட்டு
சொந்த மண்ணிலேயே
நாடோடியாய்
சிங்களக் கயவரால்
நிந்திக்கப்பட்ட
எங்கள் தமிழ்மக்கள்
எழுந்தனர் புலிகளாய்....

வீரத்திற்கு பெயர் போன
தமிழினப் புதல்வர்களின்
வாளுக்கு பதில் சொல்ல
வக்கற்ற சிங்களர்கள்
கூச்சலிட்டனர்,
தம் மண்ணில் பயங்கரவாதமாம்....

உரிமையைக் கேட்டு
உறுமி எழுந்தால்,
அடிமை நிலைப் போக்க
அதட்டி யெழுந்தால்
அதற்கு பெயர்
பயங்கரவாதமா ?

பன்னாட்டு ஏகாதிபத்திய
பார்ப்பனிய பனியா
ஊடகங்களுக்கு
இது தான் தீவிரவாதம்..

பன்னாட்டு நிறுவனங்களின்
பிச்சைக் காசின்
ருசியில் திளைக்கும்
மத்திய-மாநில அரசுகளுக்கு
அந்நாட்டு மக்கள்
பசியால் செத்து
பாடையில் போனாலும்
கவலை பிறக்காது...

லட்சியத்தை ஒருநாள்
நிச்சயம் அடைய
உண்மை நெறியுடன்
அன்பு வெறியுடன்
பேராடும் எம்படை
வெல்லும் ஒருநாள்..

அந்நாள்
உலகத் தமிழர்களின் பொன்னாள்..

***********************************************
தோழமையடன்
-----------------க.அருணபாரதி----------------
***********************************************

போகி -முழுநிலவன்

2007-01-24T03:40:00.001-08:00

போகி
முழுநிலவன்

களவாடப்படும் காடுகள்
பட்ட மரத்தில் பறவை பிணங்கள்

சாயக்கழிவு, பாலித்தீன்பை
செரிக்க செரிக்க
செத்து வீழ்ந்தன வயல்வெளிகள்

ஆற்று நீருக்கு
அண்டை மாநிலங்கள்
ஊற்று நீருக்கு
அக்வா, கோலா நிறுவனங்கள்

எது
எப்படியானாலும்...
மார்கழி கடைசியானால்
பழைய பாயை தூக்கிக் கொண்டு நிற்கும்
போகியே...!
போதும்! போதும்!
உன் புற எரித்தல் !

ஆயிரம் நெருப்புத்துண்டுகளை
அகத்துக்குள் அள்ளிவை
நுரையீரலின்
இருகுழல் கொண்டும் ஊது
வெப்பத்தின் உச்சத்தில்
சிறகு முளைத்த நெருப்புத்துண்டுகள்
வெளிக்கிளம்பும்

அதுவரை போகியே!
போதும்!போதும்!
உன் புற எரித்தல் !

கடவுளைப் புரிதல் - வைரமுத்து

2007-01-24T01:50:00.001-08:00

கடவுளைப் புரிதல்

வைரமுத்து

காலப்பள்ளத்தில்
மூடக் குழியில்
புராணப்புழுதி மூடிக்கிடந்தான் முருகன்

தோண்டித் துடைத்து
விஞ்ஞானத் தண்ணீரில் கழுவினேன்

ஒற்றைத்துணி சற்றே அசைவுற
நெற்றிச்சுடர் பற்றிப் பரவிட
வெற்றித்திரு வேலுக்கதிபதி உயிர்கொண்டான்

கடவுளா நீ என்றேன்
மூத்தகுடி காத்த
மூதாதை என்றான்

குன்றில் ஏன் குடி என்றேன்

ஆதிமனிதன் குடில்
அதுதானே என்றான்

குளிர்மலையில் ஏன்
குறையுடை கொண்டாய் என்றேன்

இரையாகும் விலங்கைத்
துரத்திக்கொண்டே
இரைதேடும் விலங்குவிட்டு
உயிர்தப்பி ஓட-
சுனைகள் ஆறுகள்
நீந்திக் கடக்க-
தொங்கும் ஆடை
தொல்லையா இல்லையா?
இன்னொன்றும் நெஞ்சில் எழுது
நெசவுகண்டது குறிஞ்சியில் அல்ல
மறவாதே அது மருதம் என்றான்

படைலுக்கேன் முருகா
தேனும் தினைமாவும்... ?

சுடுதல் அவித்தல் சமைத்தல் என்னும்
அநாகரிகங்கள் அடையு முன்னே

காயும் கனியும் கிழங்கும் இலையும்
தானாய் விளைந்த தானிய மணியும்
தேனாய் வழிந்த திரவியப் பொருளும்
ஊனாய் இருந்த உண்மை உணர்த்தவே.

கொடியில்
சேவல்பரக்கும் சேதி என்னவோ?

வேட்டைக் களைப்பில்
மரணம்போல் உறங்கும் எங்களை
அதிகாலை எழுப்பும் முதற்பறவை அதுதானே..?

போகட்டும்
வேலோடு நீயலையும்
வினோதம்... ?

கல்லாயுதம் தோற்றவிடத்து
வேலாயுதம் கண்ட முதல்மனிதன் நான்

வேலின் தொழில்கள்
விளம்பக்கேள்!

வேட்டைக்காட்டில் வெற்றி தந்ததும்
வேளாண்மைக்குக் காவல் தந்ததும்

மடவார் தம்மின் மானம் காத்ததும்
மாற்றார் வெருட்டி மண்புலம் காத்ததும்

முன்னோடிகளை விலங்குண்ணாமல்
அந்நாள் காத்த ஆயுதனாதும்

கைவேல் கைவேல் கைவேல் தானடா!
கைவேல் இல்லையேல் நீ நான் ஏதடா?

தாத்தா என்றேன் நான்
பேரனே என்றான் முருகன்

இருவர் தழுவல் இறுக்கத்தில்
நொறுங்கிச் சிதறிக் கிடந்தன
நூற்றாண்டுகளின் துகள்கள்.

- வைரமுத்து.

கொஞ்சம் தேநீர்
நிறைய வானம்

வெறித்தனமாய் காதலிக்கிறேன்! - கமல்

2007-01-23T23:51:00.001-08:00

வெறித்தனமாய் காதலிக்கிறேன்!

இம்சை அரசி

http://imsaiarasi.blogspot.com/2007/01/blog-post_11.html

சில சமயங்களில்
சமத்துப் பிள்ளையாய்
சொன்னபடி செய்கிறாய்

சில சமயங்களில்
சொல் பேச்சு கேளாமல்
தடுமாற வைக்கிறாய்

சில சமயங்களில்
தலையை பிய்த்துக் கொண்டு
அலைய விடுகிறாய்

சில சமயங்களில்
எதிர்பாராத எதையேனும் செய்து
குழம்ப விடுகிறாய்

என்றாலும்
இந்த பாழாய் போன
மனம் என்னவோ
உன்னைத்தான்
வெறித்தனமாய் காதலிக்கிறது
சாஃப்ட்வேர் ப்ரோக்ராமே :)

(எப்பொழுதும் கம்ப்யூட்டரினுள்ளேயே தலையை நுழைத்துக் கொண்டிருக்கும் என் இனிய சாஃப்ட்வேர் மக்களுக்கு சமர்ப்பணம்)

ரசித்து அனுப்பியவர் : கமல் ராசன்

கடவுளாகலாம் வாங்க - தரன்

2007-01-17T04:18:00.001-08:00

கடவுளாகலாம் வாங்க

தரன்

எத்தனையோ குழந்தைகள்

ஒரு வேளை பாலுக்காக

பட்டினி கிடக்கும் வேளையில்...

எங்கேயோ கற்கள் பால் குடிக்கிறது என்று

பால் குடம் தூக்கும் மாக்களே.....

க(ற்களுக்கு)டவுளுக்கு பிச்சைபோடும்

முன்பு உன் இனத்துக்கு போடு..

கொடுத்தால் கடவுள்..கொடுப்பதால் நீ கடவுள்...

கடவுளாகலாம் வாடா மனிதா.....

------------------------------------------அசுரனின் போர்-பறை வலைமனையில் இருந்து

உண்மைக்காதல் .....?- சக்திதாசன்

2007-01-17T03:39:00.000-08:00

உண்மைக்காதல் .....?

சக்திதாசன்

sakthisakthithasan@googlemail.com

காற்றிலே மிதந்து வந்ததே
காதல் மிகு வரிகள் பல
கண்களிலே ஏந்தி நானும்
கவிதையன்று வரைந்திட்டேன்

காளையுன்னைத் தேடியிந்த
கனியெந்தன் மனமின்று
கலைந்தோடும் மேகங்களாய்
கரைதாண்டி அலைகின்றதே

நெஞ்சத்தின் ஓரத்தை
நேற்று உந்தன் பார்வை
நேசமாய் உரசியதும்
நினைவில் இல்லையோ

தேசத்தின் நிலையால் இன்று
நேசத்தை அடகு வைத்து
வேஷத்தில் புகுந்து கொண்டு
வாசத்தை இழந்த மலராய்....

இணைந்திருந்த பொழுதினிலே
இருவராகப் பார்த்த நிலவை
இருண்ட எந்தன் வாழ்வினிலே
இன்று பார்க்கையில்
ஏகாந்தம்

மேற்குலக நாட்டினிலே
மெத்தை போட்ட படுக்கையிலே
தூக்கம் மறந்து கன்னியிவள்
துணையை எண்ணித்
துயரடைந்தாள்

காதல் என்னும் அரும்பொன்று
காலச்சூறாவளியில் சிக்கி
மலராகி மண்ம் வீசுமுன்னே
மண்மீது விழுந்து கருகியதோ
?

காலம் மாறுமாம் - ஆம்
கன்னியெந்தன் வாழ்வும்
மலருமாம் !
கருத்திழந்த மனிதர் இன்று
காண்பாரோ உண்மைக்காதல் ?

நீயொரு புதுக்கவிதையடி - இலக்கியன்

2007-01-17T01:24:00.001-08:00

நீயொரு புதுக்கவிதையடி

இலக்கியன்

kskogulan@gmail.com

புது வரிகளால்
என் வாழ்வுக்கு
புது முக உரை எழுதியவளே!
என் பார்வையில்
நீயொரு புதுக்கவிதையடி.

உன் புது வரிக் கவிதைகள்
என் வாழ்வுக்கு
புது வாழ்வு கொடுத்ததால்
காலையும் மாலையும்
கடவுளை வணங்குவதற்குத் துணையாக
உன் புது வரிகளைப்பூசித்து
பூக்களால்
வாசனை காட்டிக் கொள்கிறேனடி.

உன்னால்
என் வாழ்வுக்கு
வழங்கப்பட்ட விசை
என் வாழ்வுக்குமட்டுமல்ல
எனக்கே ஒரு துடுப்புக்கோல்தானடி
அதனால்தான்
என் பார்வையில்
நீயொரு புதுக்கவிதையடி.

உனக்காக நான்
கவிதை புனையும்போது
அகராதிதேடி
எதுகை மோனை பார்க்காமல்
எழுதிவிடுவேன்
எனக்குத்தெரிந்த
உனக்குப் பெருத்தமான புதுக்கவிதையில்
ஏனென்றால்
என் பார்வையில்
நீயொரு புதுக்கவிதையடி.

நீயொரு புதுக்கவிதையடி

2007-01-17T01:21:00.001-08:00

நீயொரு புதுக்கவிதையடி

இலக்கியன் - kskogulan@gmail.com